Најдобриот фудбалер на Реал Мадрид, Кристиано Роналдо повторно ја изрази својата желба за тоа како еден ден сака да се врати во Манчестер Јунајтед.

Португалецот за шест години во Јунајтед се стекна со репутацијата еден од најдобрите фудбалери на планетата, па се пресели во Реал Мадрид за тогашниот светски рекорд од 94 милиони евра.

Последните сезони Роналдо многу зборуваше колку му било убаво во Јунајтед, и најавуваше повторно враќање на островот.

"Го сакам Манчестер Јунајтед. Сите го знаат тоа, повторив веќе неколку пати. Манчестер Јунајтед е во моето срце. Оставив таму многу добри пријатели, навивачите се прекрасни и сакам да се вратам еден ден. Среќен сум во Реал, ми останаа уште четири години од договорот, но што се однесува до иднината, никогаш ништо не се знае, затоа што неверојатно ме третираа во Јунајтед. Навистина сакам кога сум таму", рече Роналдо.