Длабоки се раните на Еспањол од почетокот на оваа сезона, а единствено што е добро за нив е тоа што имат сосема доволно време да ги залечат.

Тимот од Ел Прат катастрофално ја започна новата сезона. На првите три натпревари имат два пораза и едно реми, а тоа што најмногу ги загрижува е нивната одбрана. Примија еден, па два, па три гола а натпреварот против Малага се гледа како шанса да соберат три бода пред домашната публика.

Ниту Малага исто така не се прослави на почетокот од сезоната. Во првото коло со многу среќа го совладаа тимот на Атлетик Билбао со 1-0, потоа од Валенсиа изгубија со 3-0, додека пак минатото коло против Леванте одиграа без голови.

На овој натпревар во Каталониа, за Еспањол нема да може да настапи Мексиканецот Морено, додека пак за тимот од Андалузија нема да може да настапат Тисоне и Дуде. Во вонредното коло во текот на наредната недела, Еспањол го дочекува тимот на Хетафе, додека пак Малага го дочекува тимот на Барселона.

Поврзани вести

Шампионот се сопнува: Атлетико Мадрид-Селта Виго

Единица како куќа: Билбао-Гранада

Стари ривали: Депортиво-Реал

Натпревар за шест бода: Елче-Еибар